Epistola II ad Corinthos*
Caput 5: Versus 21
Pro nobis peccatum fecit.Usus est Veteris Testamenti peccata dici sacrificia pro peccatis, vel, peccatum dicitur similitudo carnis peccati. Unde dicitur:De peccato delevit vel damnavit peccatum,id est de similitudine carnis peccati:quia misit Deus Filium suum in similitudinem carnis peccati.Ita etiam maledictum pro morte accipitur, quae de maledicto Dei venit, ut vere dictum in lege intelligatur:Maledictus omnis qui pendet in ligno[Deut. 21.]. Quid est quod ait, maledictus? id est,terra es, in terram ibis[Gen. 3.]. Quid est quod dicit, omnis? quia Christus, qui pependit in ligno, cum esset vera vita, mortuus est vera morte non ficta.